10 март (петок) СКОПЈЕ – БОЛОЊА – ФИРЕНЦА
Состанок на група на аеродромот во Скопје во 16.00 часот. Авионот за Болоња на Визер полетува во 17.55 часот. Слетување во Болоња во 19.45 часот. Трансфер до Фиренца и сместување во хотел. Ноќевање.
11 март (сабота) ФИРЕНЦА
Појадок. Прошетка во главниот град на регионот Тоскана – Фиренца, еден од најпосетените градови во светот кој за италијаните, но и за целиот западен свет има огромно историско, културно, образовно и уметничко значење. Овој град се смета и за колевка на ренесансата, во него живееле и создавале многу уметници XV и XVI век: Брунолески, Ботичели, Рафаел, Леонардо, Микеланџело… Разглед на градот со водич: плоштадот Санта Марија Новела, Базиликата Сан Лоренцо, дворецот Медичи-Рикарди, Катедралата Дуомо – вистинско ремек дело на ренесансната архитектура и главна туристичка атракција на Тоскана, Плоштадот Сињорија, Палатата Векио, мостот Понте Векио, Палатата Пити – една од најпрепознатливите обележја на градот… Посета на Галеријата Уфици, една од најголемите и најстарите во светот, која содржи голем број бесценети ликовни дела од ренесансата и други периоди. Денес Уфици е една од најзначајните знаменитости во Фиренца и меѓу најпосетените ликовни музеи во светот. Слободно време за индивидуални прошетки. Ноќевање.
12 март (недела) ФИРЕНЦА – САН ЏИМИЊАНО – СИЕНА – ФИРЕНЦА
Појадок. Целодневен излет во живописните предели на областа Кјанти, светски познати по производството на врвни вина. Пристигнување во Сан Џимињао, типично тосканско градче опкружено со винови насади и маслинови градини. Град кој го зачувал својот историски центар, а е познат по прекарот „Град на кулите“. Кафе пауза и продолжување на патувањето до Сиена. Разглед на градот: плоштадот Ил Кампо, еден од најубавите плоштади во Европа, Катедралата Сиена, Палатата Публико, кулата Мангија… Слободно време за ручек и индивидуални прошетки. Враќање во Фиренца. Ноќевање.
13 март (понеделник) ФИРЕНЦА – ПИЗА –ЛУКА – СКОПЈЕ
Појадок. Факултативен излет до Пиза и Лука. Пристигнување во Пиза, дом на познатиот математичар и физичар Галилео Галилеј. Најголемата атракција во Пиза е секако полето на чудата каде се наоѓаат кривата кула од Пиза (Torre di Pisa), катедралата (Cattedrale di Pisa) и гробиштата на Светците (Campo Santo). Патувањето продолжува кон Лука, еден од најубавите градови на Тоскана. По пристигнувањето, разглед на градот, кој е познат по неговото недопрено историско јадро од ренесансата: Плоштадот Наполеоне, Амфитеатарот и Сан Микеле, катедралата Свети Мартин, црквата Свети Михаил, родното место на Џакомо Пучини… Трансфер до аеродромот во Болоња. Летот кон Скопје е во 20.20 часот. Пристинување во 22.00 часот.