Прв ден – 07.09 (среда)– СКОПЈЕ – ЛИДО ДИ ЈЕСОЛО
Состанок на групата на Дрводекор околу 15:00 часот. Поаѓање за Венеција околу 15:30 часот. Патуваме преку граничниот премин Табановце. Дневно и ноќно возење преку Србија, Хрватска и Словенија со попатни одмори.
Втор ден – 08.09 (четврток)– ТРСТ- ПАЛМА НОВА- ЛИДО ДИ ЈЕСОЛО
Пристигнување во Трст во утринските часови. По разгледот на градот (околу два часа) упатување кон еден од најголемите шопинг центри во Италија – Palmanova Outlet Village (околу два часа). Поаѓање за Лидо ди Јесоло во попладневните часови. Сместување во хотел. Ноќевање.
Трет ден – 09.09 (петок)– ЛИДО ДИ ЈЕСОЛО
Слободен ден за уживање на плажата на Лидо ди Јесоло, каде во септември сеуште трае летната сезона и местото е полно со туристи.
Четврт ден – 10.09 (сабота) – ЛИДО ДИ ЈЕСОЛО– ВЕРОНА- МИЛАНО
По појадокот се упатуваме кон Верона – градот на Ромео и Јулија, започнува на плоштадот Бра каде се наоѓа надалеку познатата Арена, потоа следи прошетка по познатата улица Mazzini која низ центарот на градот води директно до плоштадот Ербе. Разглед на плоштадот “Dei Signori” каде се наоѓа статуата на Данте, а потоа се упатуваме во дворот на куќата на Јулија каде ќе можете да се фотографирате со статуата на Јулија. По слободното време продолжуваме кон градот на модата Милано. Пристигнуваме во пладневните часови. Разглед на градот со водич:тврдината Сфорцеско, Piazza Duomo,централниот плоштад каде се наоѓа најголемата готска катедрала во светот,потоа одиме на Via Vittorio Emanuelle,најдобрата шопинг улица, Oktogon, односно галеријата Vittorio Emanuelle каде се наоѓа 196 м долг покриен премин со многубројни продавници кој пак не води до зградата на Миланската опера,една од најпознатите оперски куќи во светот.Слободно време за шопинг и индивидуални прошетки низ градот кој е бисер на северниот дел на Италија. Во вечерните часови заминување кон Лидо ди Јесоло. Ноќевање.
Петти ден – 11.09 (недела) ЛИДО ДИ ЈЕСОЛО– ВЕНЕЦИЈА– СКОПЈЕ
Појадок, и трансфер до пристаништето “Пунта Сабиони”. Превоз со брод “вапорето” до центарот на Венеција. Разглед на градот: плоштадот и црквата Св.Марко, Мостот на воздишките, Дуждевата палата, Прокуратите, Мостот Риалто, Каналот Гранде… Слободно време за индивидуални прошетки. Во договорено време враќање со бродот до Пунта Сабиони. Поаѓање за Скопје во договорено време.
Шести ден 12.09 (понеделник)
Патување преку Словенија, Хрватска, Србија. Пристигнување во Скопје во пладневите часови.