ГРЦИЈА – ТУРЦИЈА – ИЗРАЕЛ – КИПАР ПИРЕЈА, САНТОРИНИ, КУШАДАСИ, ХАИФА, ЛИМАСОЛ, МИКОНОС

СКОПЈЕ – АТИНА

(Piraeus)

Испловување на бродот во 22:00 часот.

САНТОРИНИ

Санторини  е мал, тркалезен архипелаг на вулкански острови сместен во јужниот дел на Егејското Море, околу 200 км југоисточно од копното на Грција. Исто така е познато под името Тера (Θήρα). Ја сочинуваат најјужниот член на групата острови Киклади, со површина од приближно 73 км2 и според пописот на население од 2001 година со население од 13.670 жители.

Вечната убавина на Санторини Грција привлекува илјадници посетители секоја година. Оттука, не е ни чудо што островот е една од врвните туристички дестинации во светот. Неговиот див вулкански пејсаж, нерамните карпи, дивата природа и прекрасните брегови, во комбинација со неговата богата историја и традиции, го прават островот скапоцен камен на Грција.

Санторини ја добил сегашната форма на полумесечина околу 1.650 п.н.е. по огромна вулканска ерупција. Во античко време, неговата форма била тркалезна и, всушност, еден мит тврди дека островот излегол од морето на чудесен начин. Сепак, интензивната вулканска ерупција елиминирала околу половина од островот, ја покрила со пепел минојската населба Акротири на југот на островот и ги подигнал брановите толку високо што стигнале до северните брегови на Крит и ги уништиле минојските градови, вклучувајќи ја и познатата палата Кносос.

Денес половина од калдерата е потопена, што ја прави единствената потоната калдера во светот. Вулканот останува активен и, низ вековите, повремено се случувале многу ерупции. Последното било дури во 1956 година кога од дното на калдерата се појавиле мали вулкански островчиња. Во една од овие ерупции, островчето Неа Камени се појавило веднаш спроти селата на калдерите.

Препорачуваме факултативен разглед: Вулканот Калдера и жешкте извори на Санторини – 65EUR по лице.

Испловување на бродот во 18:00 часот.

КУШАДАСИ

Кушадаси (турски: Kuşadası) — приморски град во Турција и многу популарно летувалиште на брегот на Егејско Море. Некогаш мала рибарска населба, денес центар на туристи од Велика Британија, Ирска, земјите на Бенелукс и поранешна СФРЈ. Според пописот од 1995 година, градот брои 50.000 жители, а денес населението изнесува 70.000, додека пак во текот на летната сезона во Кушадаси има до милион туристи. Административно, општината и градот Кушадаси, припаѓаат на вилаетот Ајдин, од чиј центар Кушадаси е оддалечен 65 км. Иако развиено летувалиште градот нема сопствен аеродром, туку се користи аеродромот „Аднан Мендерес“ во Измир и „Милас-Бодрум“ во Милас, кои се оддалечени 85 км, односно 120 км. Градот поседува марина (мало пристаниште) и пристаниште за прекуокеански бродови, кои се секојдневни гости на Кушадаси.

Препорачуваме факултативен разглед: Посета на археолошкот локалитет Ефес и Куќата на Девицaта Марија – 42EUR по лице

Испловување на бродот во 18:00 часот.

ПЛОВИДБА

ХАИФА

ИЗРАЕЛ – Земја каде се преплетуваат минатото и сегашноста, неверојатно разновидна и многу драматична. Иако по површина е мала, оваа земја е од непроценливо значење за припадниците на трите најголеми светски религии , бидејќи во Израел се вкрстуваат патиштата на Еврејските, Муслиманските и Христијанските Аџии.
Не случајно го добила името ,,Света земја’’, бидејќи нејзината суштина се базира на духовната традиција. Израел е една од најфасцинантните, најинтригирачки и најсложени земји во светот. Географски е мала, но општествено, историски и геополитички претставува единствена асоцијација на контрастни атрибути меѓу народите и културите во светот.
Тел Авив, Витлеем, Мртво Море и реката Јордан, Виа Долороса, Кумран и Масада се само дел од она за што вреди да се види и доживее во оваа, по многу нешта специфична земја. Од фасцинантни градови, како оние создадени пред Христос па се до денешните модерни метрополи, восхитувачки културно-археолошки локалитети, неверојатни историски случувања кои личат на легенди, инспиративни пејсажи.. Средбата со Израел во живо е патување за сите оние кои сакаат да знаат и да доживеат, за авантуристи кои ги препознаваат културните вредности без предрасуди, за оние кои сакаат да го обиколат светот. Денес Израел е модерна земја со исклучителна убавина и непроценливо наследство која ја посетуваат милиони туристи од целиот свет.

Хаифа — град во Израел со население од околу 280.000 жители и уште 300.000 во неговата непосредна околина. Градот се наоѓа на брегот на Средоземното Море, под планината Кармел, која е прогласена за национален парк. Во Хаифа се наоѓаат неколку свети места од неколку различни религии:

Кабабир – мала заедница (село) населено со припадниците на муслиманската секта на Ахмед. Селото се наоѓа во непосредна близина на центарот Кармел, а во селото се наоѓа џамијата на Махмуд.

Пештерата на пророкот Илија (Ме’арат Елијаху)

Манастирот Stella Maris.

Градината на Бахаи со светилиштето – светски центар на религијата Бахаи

Во центарот на градот, од Градината Бахаи до пристаништето Хаифа, долж авенијата Бен Гурион се протега Германската колонија, која е една од главните туристички знаменистости на Хаифа.

Препорачуваме факултативен разглед: Бахаиски градини, древниот град Ако и витезите Темплари – 65EUR по лице

Испловување во 20:00 часот.

ЛИМАСОЛ (Кипар)

Препорачуваме факултативен разглед: Храмот на Аполо, замокот Колоси и лозарската култура на Кипар – 59EUR по лице

Испловување на бродот во 14:00 часот.

МИКОНОС

16:00 – 23:59 Миконос. Слободен ден за разгледување на Миконос. Миконос е грчки остров, дел од Кикладите, лежи помеѓу Тинос, Сирос, Парос и Наксос. Островот има површина од 85,5 квадратни километри и се издигнува на надморска височина од 341 метри на својата највисока точка. Островот е познат и како ,, Островот на ветровите“.  Главен град е градот Миконос. Градот е познат и како Хора. Туризмот е најголемата индустрија на островот Миконос кој е познат по својот живописен ноќен живот. Миконос има типична средоземна клима. Сонцето сјае до 300 дена во годината. Дождовната сезона трае од октомври до март.

Препорачуваме факултативен разглед: Градски разглед на Миконос – 55ЕУР по лице

Испловување во 20:00 часот.

МИКОНОС – АТИНА