01 ДЕН (23/24.05.2023) СКОПЈЕ – КРФ
Состанок на групата на паркингот на Холидеј Ин во 21:00ч. со тргнување во 21:30ч. Ноќно патување со попатни паузи до Игуменица од каде се качуваме на траект и за нешто помалку од 2 часа пристигнуваме на пристаништето во градот Крф. Од таму за 20 мин. пристигнуваме во Ипсос и се сместуваме во вилите. Слободно време за одмор и заедничка дружба на плажата во Ипсос. Уживање во прекрасното море и можности за водени активности.
Во вечерните часови групата се упатува кон градот Крф, каде оди во прошетка низ стариот дел од градот, кој поради својата уникатна убавина, старост и сочуваност е вклучен во списокот на светското културно наследство на УНЕСКО. Се наоѓа на источниот брег на островот Крф, на мал полуостров меѓу два мали заливи. Стариот град има типична градска матрица за градовите од Средоземјето. Се состои од кривулести и тесни улици со мали плоштади и камени згради. Тука
постојат дури 37 цркви, од кои најпознати се црквата Св. Спиридон (заштитникот на градот) и Катедралниот храм посветен на Богородица. Главни обележја на градот се: плоштадот Листон; палатата Св. Михаил и Ѓорѓија која е лоцирана долж северната страна на плоштадот Спианада; Старата тврдина и многу други. После прошетката низ градот групата се упатува назад кон вилата.
02 ДЕН (25.05.2023) КРФ (La Grotta, Paradise Beach, Akron Beach Bar)
Во утринските часови групата се упатува кон барот La Grotta кој е лоциран во близина на Палеокастрица. Барот се наоѓа во карпите веднаш под главниот пат кој води кон Палеокастрица и до него може да се стигне единствено симнувајќи се по 142 скалила низ карпестиот залив. Ова познато и тренди место на осторовот Крф е идеално за уживање со пијалоци, закуски и можности за пливање во кристално чистата природна сина лагуна.
Од барот La Grotta групата со глисери се упатува кон Paradise Beach – дива плажа каде ќе може да се ужива во прекрасната атмосфера и чистата тиркизна вода. После неколку часовното уживање на Paradise Beach се упатуваме кон Akron Beach Bar каде уживаме во одлична забава со DJ и музика. Во доцните попладневни часови групата се враќа назад кон Ипсос и има слободно време за одмор и дружење во некои од локалните кафулиња.
03 ДЕН (26.05.2023) КРФ (Сидари со Каналот на љубовта, 7th Heaven)
Во утринските часови групата се упатува кон Сидари, голем туристички регион кој е развиен и располага со повеќе различни плажи. Но, се се врти околу најпознатата – Каналот на љубовта или Canal d’Аmour. Оваа плажа е природно ремек дело, можеби единственото од ваков тип на Медитеранот. Скриена во залив, меѓу вешто извајани карпи кои личат на статуи, создадена од корозивните ефекти на водата и воздухот. Името “Каналот на љубовта“ произлегува од една легенда која вели дека ако го препливате каналот од едниот до другиот крај, со сигурност ќе ја најдете љубовта на вашиот живот или, за оние кои веќе ја нашле, да останат вечно заљубени еден во друг.
После посетата на Сидари и Каналот на љубовта, групата се упатува кон 7th Heaven, место од каде може да се ужива во прекрасниот панорамски поглед кој ќе ви го одземе здивот. Тука групата има кратка пауза за кафе и освежување. Во попладневните часови враќање назад во Ипсос. Вечерта можност за заедничко дружење во некои од локалните кафулиња.
04 ДЕН (27.05.2023) КРФ – СКОПЈЕ
Одјавување од собите околу 09:00ч. Слободно време за кратка прошетка и околу 13:00ч. собир на групата пред вилата, од каде започнува патувањето кон градот Крф и потоа со траект околу 2 часа до Игуменица. Патување со попатни паузи и царински формалности. Пристигнување во Скопје во вечерните часови.
