24.мaj (вторник) СКОПЈЕ – РИМ  

Состанок на групата на скопскиот аеродром во 11:00 часот. Лет за Рим W6 7757 во 13:30ч. Пристигнување во Рим во 15:10 часот. Трансфер до хотелот со панорамски разглед на градот: Виа Венето, Шпанските скали, Олтарот на мирот, плоштадот Венеција, Римскиот форум, Виа Дел Корсо, Колосеумот, мостовите на Тибар, црквата Св. Петар, Фонтаната Ди Треви…. Сместување и слободно време за индивидуални активности…  Ноќевање.

25.мaj (среда) РИМ – ВАТИКАН – НАВОНА

Појадок. Факултативна посета на Ватикан, еден од најголемите музејски комплекси во светот каде се изложени многубројни уметнички дела собрани од Римокатоличката црква низ вековите. Основач е папата Јулиј II во 1506г. Посета на Сикстинската капела, Ватиканските музеи, Рафаеловите соби, црквата Св.Петар… По разгледот, препорачуваме прошетка покрај Замокот на Ангелите и преку Мостот на Ангелите до плоштадот Навона, изграден врз темелите на Стадионот на Доминицијан од 1ви век. Познат и како уметничка четврт на Рим, плоштадот Навона е гордоста на барокот на градот Рим со скулптури и архитектонски дела од Џан Лоренцо Бернини: познатата фонтана Fontana dei Quattro Fiumi, црквата Св.Агнеса во Агонија од Боромини и Рајналди…. Можност за краток одмор за ручек или уживање во вкусот на италијанското кафе. Слободно попладне за индивидуални прошетки. Ноќевање

26.мaj (четврток) НЕАПОЛ И СОРЕНТО (АМАЛФИ БРЕГ)

Појадок. Факултативна посета со локален водич на Неапол и Соренто. Панорамски разглед на Неапол: катедралата Св.Генаро, црквите Св.Лоренцо Маѓоре и Св.Доменико Маѓоре, плоштадот Гесу, Порта Алба, плоштадите Данте и Белини… Патувањето продолжува по Амалфи брегот. Панорамско разгледување на Соренто: плоштадот Тасо, црквата Св.Антонио, вилата Комунале, историскиот кварт е полн со тесни улички каде што се наоѓа црквата на Сан Франческо од 14в., слободно време за прошетка и шопинг по најпознатата улица Виа Корзо Италија. Враќање во Рим. Ноќевање.

27.мaj (петок) РИМ – ТИВОЛИ

Појадок. Факултативна посета на местото Tиволи. Прекрасната Villa D’Este и нејзината градина се наоѓаат на листата на светското културно наследство под закрила на UNESCO. Со импресивните петстотини фонтани, нимфи, пештери, игри со вода и музика, претставува копиран модел на најпознатите Европски градини во маниристички и барок стил. Враќање во Рим. Слободно време за прошетка низ боемскиот кварт на Рим, Трастевере и можност за вечера во некој од многубројните традиционални италијански ресторани. Ноќевање.

28.мaj (сабота)  РИМ – Римокатоличките цркви

Појадок. Можност за факултативна прошетка низ Рим со метро и посета катедралите Сан Џовани Латерано, Санта Марија Маџоре, црквата Сан Пјетро ин Винколи, прошетката продолжува покрај Колосеумот (мала пауза за фотографирање) до црквата Сан Клементе каде ќе ги посетиме капелата и гробот на Св. Кирил.. Слободно време за индивидуални активности и прошетки. Ви препорачуваме прошека по познатата Виа Дел Корсо (најпознатата шопинг улица), посета на фонтаната di Trevi, пред да продолжите понатаму незаборавајте да фрлите паричка, за да го обезбедите вашето враќање во Вечниот град. Имајте пријатна кафе пауза покрај познатите Шпански скали…Ноќевање.

29.мај (недела) РИМ 

Појадок.  По појадокот слободно време за индивидуални активности до пладне. Трансфер до аеродромот во Рим во 12:00ч. Лет за Скопје W6 7758 во 15:45ч. Пристигнување во Скопје во 17:30 часот.