АНДАЛУЗИЈА, ШПАНИЈА

8ми март во Андалузија

07.03 – 11.03.2027     ✈  Авион     •  Групна тура 559 € по лице
Категорија

Опис

За патувањето

Андалузија – сончевиот бисер на јужна Шпанија, регион на уметност, историја и автентичен медитерански шарм. Еден од најбогатите и најразновидни региони во Европа, Андалузија нуди совршен спој на море, култура и гастрономија, каде традицијата и современиот дух живеат во хармонија.

Регионот е дом на импресивно културно наследство – од маварски палати, тврдини и римски споменици, до величествени катедрали и историски градови. Со повеќе од 300 сончеви денови годишно, вечерите се исполнети со музика, фламенко и традиционална андалузиска кујна: свежа морска храна, тапаси, маслиново масло и локални вина.

Севиља – домот на кралските палати и фламенкото. Ронда – драматичен град поставен над кањон. Гранада – андалузиската принцеза со величествената Алхамбра. Марбеља – елеганција покрај морето, со стар град полн со шарм.

Ценовник

Датуми, цена и вклучени услуги

Датум 07.03 – 11.03.2027
Цена 559 € за возрасно лице

80 € за деца до 1.99 години

Во цената е вклучено

✓  Трансфер Скопје – Тирана – Скопје

✓  Повратен авионски лет Тирана – Малага со рачен багаж 40x30x20 cm

✓  Трансфер аеродром – хотел – аеродром

✓  Аеродромски такси

✓  4 ноќевања со појадок во хотел

✓  Водич од агенција

Во цената не е вклучено

✗  Туристичка такса

✗  Факултативни излети

✗  Патничко осигурување

* Вкупна цена на екскурзиите: 355 €. Пакет за сите екскурзии според програмата: 315 €.

Програма

07.03.2027

  • Собир со групата во Скопје и тргнување кон Тирана; пристигнување на аеродромот два часа пред летот.
  • Полетување за Малага во 17:25 часот, слетување во 20:50 часот. Ноќевање.

08.03.2027

  • Од Торемолинос кон Марбеља: прошетка низ старата чаршија, плоштадите и модерната марина.
  • Продолжување кон Ронда – градот над кањонот на реката El Tajo, мостот Puente Nuevo, арената за корида, арапските бањи, палатата Mondragón и плоштадот Duquesa de Parcent.
  • Враќање во хотелот и слободна вечер.

09.03.2027

  • Појадок и заминување кон Севиља, главниот град на Андалузија.
  • Катедралата со гробницата на Колумбо, Гиралда, Кралскиот Алказар, Торе дел Оро, Парк Марија Луиза и Плоштад Шпанија.
  • Слободно време за прошетка или ручек, потоа враќање во хотелот. Ноќевање.

10.03.2027

  • Појадок. Целодневна посета на Гранада и величествената Алхамбра – маварски палати, Nasrid палати, дворови, фонтани и градините Генералифе (УНЕСКО од 1984 година).
  • Враќање во хотелот и ноќевање.

11.03.2027

  • Појадок, напуштање на собите и поаѓање кон Малага.
  • Краток разглед: Катедралата, Римскиот театар, старата чаршија и Calle Larios, со панорамски поглед на Алкасаба и Гибралфаро. Слободно време.
  • Трансфер до аеродромот. Полетување за Тирана во 21:35 часот, слетување во Тирана во 00:50 часот.

Факултативни излети

Марбеља и Ронда   85 €

Факултативна – целодневна тура.

Поаѓаме наутро од Торемолинос кон Марбеља, едно од најпознатите летувалишта на Коста дел Сол. Следува прошетка низ старата чаршија, плоштадите и модерната марина.

Потоа продолжуваме кон Ронда, град над кањонот на реката El Tajo, познат по импресивниот мост Puente Nuevo. Ќе ги посетиме главните знаменитости: арената за корида, арапските бањи, палатата Mondragón, стариот град со ѕидините и плоштадот Duquesa de Parcent со црквата Santa María.

Севиља   100 €

Севиља, главниот град на Андалузија, еден од најубавите европски градови и вистински музеј на отворено. Ќе ги посетиме најпознатите знаменитости: Катедралата со гробницата на Кристофер Колумбо, кулата Гиралда, Кралскиот Алказар, Златната кула, историскиот центар, Паркот Марија Луиза и Плоштад Шпанија, како и арената за корида (однадвор). Катедралата и Гиралда се под заштита на УНЕСКО.

Гранада   85 € + влезница за Алхамбра 45 €

Цена на излетот: 85 € + доплата за влезница во Алхамбра 45 € (со вклучен локален водич од дворецот Алхамбра).

Целодневна посета на Гранада – романтичен град и поранешна маварска престолнина. Следува разглед на Алхамбра, импресивен комплекс со палати, тврдини, дворови, фонтани и Генералифе градините, под заштита на УНЕСКО од 1984 година.

Малага   40 €

Малага, престолнина на Коста дел Сол и роден град на Пабло Пикасо. Краток разглед на центарот со Катедралата, Римскиот театар и старата чаршија со пешачката зона Calle Larios, како и панорамски поглед на тврдините Алкасаба и Гибралфаро.

Дополнителни информации

  • За реализација на аранжманот потребен е минимум од 20 патници.
  • Типот на соба го одредува хотелот на лице место, во зависност од расположливоста.
  • Пасошот мора да важи најмалку 90 дена по напуштање на Шенген зоната.
  • Секој патник е должен да поседува важечко патничко осигурување.
  • При резервација се уплатува аванс од 30% од вкупната сума; целосната доплата најдоцна 15 дена пред поаѓање.
  • Плаќањата во денарска противвредност се пресметуваат по курс 1 ЕУР = 62 МКД.
  • Организаторот може да ги понуди слободните места по специјални „ultra first“ или „last minute“ цени; патниците кои уплатиле по редовен ценовник немаат право на поврат при разлика во цена.
  • Распоредот на активности и редоследот на разгледите може да се менуваат според локални услови, временски прилики и работно време на институциите.
  • Факултативните излети се реализираат со минимум 20 пријавени учесници; во случај на помал број цената може да се измени или излетот да не се реализира.
  • Организаторот не сноси одговорност за задржувања на гранични премини, промени во авионски распореди, штрајкови или други фактори надвор од негово влијание.
  • За ова патување важат Општите услови за патување.